IniciosociedadeA Mariña é bisbarra costeira de España onde máis cae o prezo...

A Mariña é bisbarra costeira de España onde máis cae o prezo da vivenda

Segundo Idealista, o prezo medio do metro cadrado na comarca é de 834 euros, un 12,1% menos

Publicada o

- Advertisement -

O prezo de venda das vivendas na costa española reduciuse un 0,4% durante o último ano, ata situarse en 1.749 euros por metro cadrado, rexistrándose os maiores descensos na Mariña lucense (-12,1%) e a Costa Tropical de Granada (-10%), fronte aos maiores alzas, dados nos municipios costeiros guipuscoanos, Baleares e a Costa da Luz, segundo un estudo publicado por Idealista.

O estudo reflicte que as vivendas costeiras na provincia de Guipúscoa son as que máis subiron no último ano, cun incremento do 4,5%, seguidas polos municipios costeiros de Baleares, cunha variación do 1,8%, e os da costa da Luz (Cádiz), onde creceron un 1%.

A continuación sitúanse a Costa de Biscaia, cun 0,9% máis; a Costa Blanca (Alacante), cunha alza do 0,9%; a Costa do Sol (Málaga), cunha subida do 0,8% e a Costa do Maresme, cun incremento do 0,3%.

Todas as demais costas españolas rexistran prezos máis baixos que os que tiñan hai un ano. En detalle, o maior descenso dáse na Mariña lucense (-12,1%), seguida pola Costa Tropical de Granada (-10%), a Costa da Luz onubense (-6,6%) e a Costa do Azahar de Castelló (-6,2%).

Con descontos inferiores ao 6% sitúanse a Costa de Almería (-5,5%), as Rías Baixas de Pontevedra (-5,4%), a Costa da Morte da Coruña (-3,8%), a Costa Dourada de Tarragona (-3,4%) e a Costa Cálida de Murcia (-2,9%).

OS PREZOS MÁIS ALTOS, NO LITORAL BALEAR

Así mesmo, o litoral balear mantense como a zona con prezos máis elevados, alcanzando os 3.201 euros por metro cadrado. Séguenlle a Costa guipuscoana (3.105 euros por metro cadrado), Maresme (2.375 euros) e a Costa biscaíña (2.224 euros). Por encima dos 2.000 euros atópanse tamén a Costa Brava (2.224 euros por metro cadrado ) e a Costa do Sol (2.047 euros).

Pola súa banda, A Mariña lucense é a zona costeira con prezos máis reducidos, xa que os propietarios só piden 834 euros por cada metro cadrado, seguida de preto pola Costa da Morte (920 euros por metro cadrado).

Á súa vez, a Costa do Azahar castellonenco ten un prezo de 980 euros por metro cadrado e a Costa Tropical está en 1.031 euros por metro cadrado, mentres que a Costa da Luz onubense e a Costa de Valencia sitúanse en 1.099 euros por metro cadrado.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...